ព្រះវិហារ៖ រមណីយដ្ឋានប្រាសាទព្រះវិហារ បានទទួលភ្ញៀវទេសចរប្រមាណ៦ពាន់នាក់ ខណៈរមណីយដ្ឋានប្រាសាទកោះកេរទទួលភ្ញៀវទេសចរជាតិប្រមាណ៣ពាន់នាក់ ក្នុងខែមិថុនា ឆ្នាំ២០២៣។

សេចក្តីប្រកាសព័ត៌មានស្តីពីស្ថិតិភ្ញៀវទេសចរដែលអាជ្ញាធរខេត្តព្រះវិហារបានបង្ហាញនៅថ្ងៃទី៣០ ខែមិថុនាឆ្នាំ២០២៣ ឱ្យដឹងថា ស្ថិតិភ្ញៀវទេសចរ នៅក្នុងរមណីយដ្ឋាន គិតចាប់ពីថ្ងៃទី១ ដល់ថ្ងៃទី៣០ខែមិថុនា ឆ្នាំ២០២៣នេះ រមណីយដ្ឋានប្រាសាទព្រះវិហារ បានទទួលភ្ញៀវទេសចរសរុបចំនួន ៦ ២១៤នាក់ ដែលក្នុងនោះ មានភ្ញៀវទេសចរជាតិ ចំនួន ៥ ៩៤៤នាក់ និងភ្ញៀវទេសចរបរទេស ចំនួន ២៧០នាក់។

ដោយឡែក រមណីយដ្ឋានប្រាសាទកោះកេរ បានទទួលភ្ញៀវទេសចរជាតិ សរុបចំនួន ៣ ៣១៧នាក់។

គួរឱ្យដឹងដែរថា អង្គការយូនីស្កូសម្រេចដាក់ប្រាសាទព្រះវិហាររបស់កម្ពុជាចូលទៅក្នុងបញ្ជីបេតិកភណ្ឌពិភពលោកនៅថ្ងៃទី៧ ខែកក្កដា ឆ្នាំ២០០៨ ក្នុងសម័យប្រជុំលើកទី៣២ នៅទីក្រុងកេប៊ិច ប្រទេសកាណាដា។ នៅថ្ងៃទី៧ ខែកក្កដា ឆ្នាំ២០២៣នេះ ជាខួប១៥ឆ្នាំ ដែលប្រាសាទព្រះវិហារត្រូវបានអង្គការយូណេស្កូ (UNESCO) ផងដែរ៕